Egon hadi lo, eta jango duk mehe.

   Esaldiak berak dio dena. Eta mila aldiz ikusi eta entzun dugu horren adierazgarri izan daiteken egoera, jarrera, edo istorioren bat.
   Eta tamalgarria izango litzateke, guri bildu digun eztabaida honetan, batzuk lo egotea.
   Baina tamalez, hala daude.

   "Muu" herri ekimena, gure herriko zezenketen aurkako talde berri eta dinamikoa, errepaso bat ematen ari da zezenzaleei. Bai behintzat, ekintzei eta mugimenduari dagokionean.
   Bizikleta martxa, kontzertuak gaztetxean, firma bilketak,... Batzuk mugitzen ari dira.
   Interpretazio ezberdinak egin daitezke ekintza hauen inguruan. Batzuentzat indar erakustaldiak izan daitezke, edo jendearengana heltzeko beste bide bat, edota jendea kausaren inguruan dinamizatzeko herramienta batzuk. Marketing-a, edo kanpaina publizitario-elektoral baten antzeko zerbait egiten ari direla ere pentsa genezake.
   Guztiz zilegi da hau egitea, eta ez dezala inork pentsa niri gaizki iruditzen zaidanik. Azken finean, modu demokratiko batean erabakiko dugunez etorkizuna, kanpaina egitea guztiz normala eta ohikoa da.

   Eta zezenzaleak zer? Nora begira daude?

   Ba horixe: egon hadi lo, eta jango duk mehe.
   Eta hauek lo daude, horrek suposatzen duen arriskuarekin, esamoldeak adierazten digun moduan.
   Ez talderik, ez mugimendu antolaturik, ez agerraldirik,... Ezer ere ez.
   Presentzia exijitzen zaienenean agertzen dira. Baina beren kabuz ez dute ekintza bakar bat ere egin.
   "Muu"-koek herria hankaz gora jartzen dute, eta zezenzaleek, bitartean, ez dute ezer egiten.

   Tira, pentsatu dezakegu beranduago mugitu daitezkeela. Edota galdeketarentzat data zehatz bat jartzen den momentuan mugitzen hasiko direla.
   Baina beranduegi izan daiteke. Iada "Muu" pauso bat aurretik doa, aspektu honetan.

   Batek honela ziohen: ganoragabeen etxean, goizeko salda arratsean.
 
   Espero dut, zezenzaleak mugitzen hasten direnean, ez sahiatzea goizeko salda arratsaldean ematen. Arratsaldea berandu baita, goizeko saldak hartzeko.
   Saldak lehenago banatu behar dira, eta arratsaldean meriendak ematen hasi behar da.
 
   Eta hori da daukadan kezka.
   Zezenzaleak salda banatzen hasten direnean, ez ote den arratsaldea izango.
   Hau da: berandu.